Жедел желі
Жаңалықтар
«Кедентранссервис» және «Цзиньхуа» көлік-инвестициялық тобы Алматыда логистикалық кешен салу жөнінде келісімге келді
2025 жылғы 4 сәуірде Астана қаласында «Кедентранссервис» АҚ мен Қытайдың ірі көлік-инвестициялық тобы «Цзиньхуа» Транскаспий халықаралық көлік дәлізі бойында тиімді логистикалық инфрақұрылымды қалыптастыру мәселелерін талқылап, Алматы қаласында көлік-логистикалық кешен салу жобасын іске асыруға бағытталған өзара түсіністік туралы Меморандумға қол қойды.
Аумағы 17,9 гектарды құрайтын және жылдық жобалық қуаты 300 мың ЖФЭ болатын жоба аясында контейнерлік алаң мен заманауи қоймалар салу көзделген. Бұл кешен экспорттық-импорттық хаб режимінде жүктерді тиімді шоғырландыруға мүмкіндік береді.
Жоба логистикалық үдерістерді оңтайландыруға, халықаралық көлік бағыттарын біріктіруге және Қазақстан мен Қытайдың ірі логистикалық хабтарының бірыңғай көлік негізін қалыптастыруға ықпал етеді. Бұл өз кезегінде мультипликативті әсер беріп, екі ел арасындағы сауда-экономикалық қатынастарды жандандыруға жаңа мүмкіндіктер ашады.
